بعفوية مطلقة تحدث الفنان عصام كمال على حسابه في موع التواصل الإجتماعي الفايسبوك عن فنان الراب المغربي “الحر” الذي يقدم فنا راقيا بعيدا عن الجري وراء الأرقام واللايكات وهذا ما جاء في تدوينة الفنان عصام كمال
شحال كنفرح ملي كنشوف الرجل المناسب في المكان المناسب!
خويا، مكنعرفكش و ماكتعرفنيش و معروف علي ما عنديش مع المجاملات الخاوية و هاذي أول مرة كنوجه فيها رسالة من هاذ النوع، مكنظنش أنك اخترت اسم “الحر” عبثا فلكل امرئ نصيب من اسمه.
سموم الدنيا و عالم الفن و الشهرة لا تخطيء العبيد، عبيد الأنا و المال و الجنس و الناس، و ما كنظنش أنك منهم، أنا متابع وفي لأعمالك من قبل ما تشهر و كان عندي يقين أنك غتوصل لقلوب الناس باحترامك ليهم و بصدقك و بعملك، و عندي إحساس باللي مهما عطيتي غتقول “مازال ما درت والو” و باللي العالم المثالي اللي كتآمن بيه و عايش فيك خايف يصطدم بمنطق مجتمعنا اللي كيعترف أكثر بالسپيكطاكل على حساب الجمال.
ما أحوجنا للفنان الحساس في زمن الأرقام و الصورة و اللايكات و المظاهر و المشاهدات و الفضائح، لك مني كل الدعم و التشجيع و الاحترام.
أنا فان متواضع ديالك و كنطالب كل أصدقائي و الفانز ديالي، اللي متافق معايا منهم، يتابعوك أنت و أمثالك من الصادقين
